हिमाल प्रेस 
लुम्बिनी- लामो समयको प्रतिक्षापछि थाइ एयर एसियाको बैंकक–भैरहवा–बैंकक उडान आइतबार (आज) देखि सुरु भएको छ ।
नेपाल नागरिक उड्यन प्राधिकरण गौतमबुद्ध अन्तर्राष्ट्रिय विमानस्थलका अनुसार बिहान ७ बजे थाइ एयर एसियाको एअर बस ए तिन ३२० अवतरण गरेको हो ।
प्राधिकरण भैरहवा कार्यालयका कार्यकारी निर्देशक दीपक कुमार बज्राचार्यले कार्यतालिका अनुसारकै नियिमत उडान भएकाे बताए ।
‘थाइ एअर एसियाको केही दिन अघि मात्रै भैरहवा र पुन उडान काठमाण्डौमा सुरु गर्न अनुमति पाए लगत्तै उडान सुरु भएकोले टिकट बिक्री लगायत बजार प्रबद्र्धनको काम भएको थिएन, त्यसैले नियमित कार्यतालिकाके उडान हाे’ उनले भने ।
उनका अनुसार पहिलो उडानमा विमानका चालक दलका ७ सदस्यहरु मात्रै आएका थिए । अर्काे उडान अब कार्तिक २३ गते शुक्रबार हुने र त्यसपछि हप्ताको दुई उडान हुने उनले बताए ।
२३ गते बिहान ७ बजे आउने र त्यसपछि २५ गते बिहिबारदेखि हप्ताको दुई दिन सोमबार र बिहिबार दिउँसो सवा १२ बजे आउने निमित्त महाप्रबन्धक बज्राचार्यले जानकारी दिए ।
थाइ एअर एसियाको केही दिन अघि मात्रै भैरहवा तथा काठमाडौं उडान सुरु गर्ने अनुमति पाए लगत्तै उडान सुरु भएको हो ।
भैरहवाबाट बैंककतर्फ एकतर्फी सुरुवाती भाडादर १२ हजार रुपैयाँ रहेको जनाइएको छ। एअर एसियाको यो विमान बिहान ७ बजेर ४० मिनेट जाँदा बैंकक प्रस्थान गरेको छ। लामाे समयपछि भैरहवा स्थित गाैतमबुद्व विमानस्थलबाट उडान सुरु भएपछि उत्साह जागेकाे छ।
