हिमाल प्रेस 
काठमाडौँ- नेपाली कांग्रेसले आफ्ना सांसद राजेन्द्र बजगाईंसँग स्पष्टीकरण सोधेको छ। आज पार्टी कार्यालयमा पार्टी अनुशासन समितिका संयोजक आनन्दप्रसाद ढुंगाना र महामन्त्री विश्वप्रकाश शर्माले बजगाईंसँग मौखिक स्पष्टीकरण सोधेका हुन्।
सांसद बजगाईंले संस्कृति पर्यटन तथा नागरिक उड्डयनमन्त्री बद्री पाण्डेमाथि विभिन्न आरोप लगाएका थिए। त्यसपछि मन्त्री पाण्डेले यसबारे कारबाही गर्न पार्टीमा उजुरी दिएका थिए।
कांग्रेस अनुशासन समितिका संयोजक ढुंगानाका अनुसार बजगाईंसँग थप सोधपुछ गरेपछि कारबाही निर्णय हुनेछ। ‘आज यसबारे सोधपुछ भयो,’ उनले भने, ‘अझै उहाँसँग केही सोधपुछ बाँकी छ। छानबिन र सोधपुछपछि थप निर्णय हुन्छ।’ बजगाईंले पनि आफूले लिखित जवाफ पठाउने बताएका छन्।
पर्यटनमन्त्रीले भने : करोड होइन, कौडी खाएको पुष्टि गरे राजनीति छोड्दिन्छु
पर्यटनमन्त्री पाण्डेले आफ्नै पार्टीका सांसद बजगाईंविरुद्ध किन हाले उजुरी?
