काठमाडौँ महानगरले तोक्यो फूल बिक्री वितरण गर्ने ४६ वटा स्थान

काठमाडौँ- काठमाडौँ महानगरपालिकाले नगरभित्र फूल बिक्री गर्न ४६ स्थानमा प्रबन्ध मिलाएको छ।

नगर प्रमुख बालेन्द्र शाह (बालेन)ले काठमाडौँ महानगरमा स्वेदशी फूल प्रवर्द्धनका लागि स्थान तोकेर नै फूल बिक्री वितरण गर्न प्रोत्साहित गरेको जनाएका छन्।

‘हामी व्यापारीहरूलाई फूल तथा अन्य सजावटका सामग्री बिक्री वितरण नगर्न नगराउनुहुन अनुरोध गर्दछौँ। यदि कसैले लुकिछिपी बिक्री गरेको पाइएमा प्रचलित कानुनबमोजिम कारबाही हुनेछ यससँगै सम्पूर्ण उपभोक्ताहरूलाई स्वदेशी फूल खरिद गरेर नेपाली किसानहरूलाई प्रोत्साहन गर्नुहुन अनुरोध गर्दछौँ,’ बालेनले फेसबुकमा लेखेका छन्।

उनले प्लाष्टिकजन्य फूल तथा सजावटका सामग्री बिक्री वितरणमा रोक लगाउँदै स्वदेशमा उत्पादन भएका फूलको व्यापारलाई प्रवर्धन गर्न स्थान तोकिएको जनाएका छन्।