तस्बिरमा विजया दशमी

काठमाडौँ- नेपालीको महान् चाड विजया दशमी देशभर मान्यजनको हातबाट टीका र जमरा ग्रहण गरी शनिबार मनाइएको छ। दुर्गाभवानीको प्रसाद स्वरूप मान्यजनबाट टीका, प्रसाद, जमरा र आशीर्वाद ग्रहण गरिएको हो। राष्ट्रपति, प्रधानमन्त्री, मुख्यमन्त्रीदेखि सर्वसाधारणसम्मले मान्यजनबाट टीका र प्रसाद ग्रहण गरेका छन्।

टीका लगाउँदा देवीको आशीर्वाद स्वरूप विजयशक्ति प्राप्त हुन्छ भन्ने विश्वास छ। टीका लगाउनु धार्मिक रूपमा शुद्धता र पवित्रताको प्रतीक तथा यो परम्पराले नेपाली संस्कृति तथा परम्पराहरूलाई संरक्षण गर्दै अघि बढाउने र दसैँको टीकाले परिवारका सबै सदस्यहरूलाई एक ठाउँमा भेला गराउने भएकाले यसको महत्त्व छ।

दसैँको टीकाले धार्मिक, सांस्कृतिक, र पारिवारिक रूपमा गहिरो महत्व राख्दछ, जसले नेपाली समाजमा एकता, प्रेम र शान्तिको भावना प्रवर्द्धन गर्नेसमेत विश्वास लिइएको छ।

तस्बिरहरू : रासस