हिमाल प्रेस 
काठमाडौँ- साफ महिला च्याम्पियनसिपको सेमिफाइनल खेलमा नेपालले भारतविरुद्ध गरेको गोल मान्यता नदिएपछि दशरथ रंगशालामा तनाव भएको छ। नेपालले भारतविरुद्ध खेल्न अस्वीकार गरेपछि अहिले रंगशाला तनावग्रस्त बनेको हो।
भारतले ७१ मिनेटमा नेपालविरुद्ध गोल गर्दै अग्रता लिएको थियो। सोही गोलको सेलिब्रेसन गरिरहँदा रेफ्रीले सिटी बजाएपछि नेपालकी प्रिती राईले खाली पोस्टमा गोल गरेकी थिइन् । सुरुमा रेफ्रीले उक्त गोललाई मान्यता दिए पनि पछि गोल दिन अस्वीकार गरेकी थिइन्। भारतले समेत खेलाडीहरु सेलिब्रेसन गरिरहँदा खाली पोस्टमा गोल गरेको भन्दै विरोध गरेका थिए। त्यसपछि नेपालले खेल्न अस्वीकार गरेको हो।
यस्तै मध्यान्तरपछिको खेलमा नेपालकी रेखा पौडेलले रातो कार्ड पाएपछि मैदान छोड्नु परेको छ। खेलको ५१औँ मिनेटमा दोहोरो पहेँलो कार्ड पाएपछि उनले मैदान छोड्नु परेको हो। नेपाल अहिले १० खेलाडीमा सीमित बनेको छ।
