हिमाल प्रेस 
काठमाडौँ- शिक्षा, विज्ञान तथा प्रविधि मन्त्रालयले बाढीपहिरो र डुबानबाट विद्यालयमा भएको क्षतिको विवरण संकलन गरेको छ। बिहीबारदेखि देशभर अविरल वर्षाका कारण बाढीपहिरो र डुबानबाट विद्यालयमा क्षति पुगेको छ।
मन्त्रालयले देशभरका विद्यालयमा पुगेको क्षतिको विवरण संकलन गरिरहेको सूचना अधिकारी तथा उपसचिव नारायण प्रसाद पोख्रेलले हिमालप्रेसलाई जानकारी दिए। उनले भने, ‘बाढीपहिरो र डुबानबाट विद्यालयमा भएको क्षतिको विवरण संकलन भइरहेको छ।’
शिक्षा मन्त्रालयले अविरल वर्षाका कारण विद्यालय भवनमा क्षति भएको, विद्यार्थी तथा अभिभावक बाढीपहिरोको चपेटामा परेको र यातायात पनि अवरुद्ध भएका कारण तीन दिन विद्यालय बिदा दिएको छ।
याे पनि
प्रकाशित: १३ असोज २०८१ १५:१६
प्रतिक्रिया
