हिमाल प्रेस 
प्रतिनिधिमूलक तस्बिर।
सर्लाही- सर्लाहीको पर्सा गाउँपालिका-५ स्थित आफ्नै घर अगाडिको कुलोमा डुबेर एक बालिकाको मृत्यु भएको छ। स्थानीय बब्लु अन्सारीकी छोरी दुई वर्षीया आईसा खातुनको कुलोमा डुबेर आज (मंगलबार) मृत्यु भएको प्रहरीले जनाएको छ।
घर अगाडि खेल्दै गरेकी खातुनलाई नदेखेपछि परिवारले दिउँसो प्रहरीमा खबर गरेका थिए। तत्काल घटनास्थल पुगेको प्रहरी टोलीले खोजतलास गर्दा घरदेखि एक सय ५० मिटर दक्षिणतर्फ कुलोको पानीमा डुबेर मृत अवस्थामा शव फेला परेको जिल्ला प्रहरी कार्यालयका प्रवक्ता प्रहरी नायब उपरीक्षक दिपक श्रेष्ठले जानकारी दिए।
यसैबीच सर्लाहीको गोडैता नगरपालिका-१०, सिसौटियामा सोमबार करेन्ट लागेर दुई वर्षीय एक बालकको मृत्यु भएको थियो।
प्रकाशित: ८ असोज २०८१ २१:१५
प्रतिक्रिया
