हिमाल प्रेस 
फाइल तस्बिर
काठमाडौँ- नेकपा (एकीकृत समाजवादी)का उपमहासचिव मेटमणि चौधरीलाई पार्टीले स्पष्टीकरण सोधेको छ। एक टेलिभिजनसँगको अन्तर्वार्तामा उनले विवादास्पद अभिव्यक्ति दिएको भन्दै तीनदिने अल्टिमेटमसहित स्पष्टिकरण सोधिएको हो।
महासचिव घनश्याम भुसालले हस्ताक्षर गरेको स्पष्टीकरण पत्रमा लेखिएको छ, ‘मुलुकको अखण्डता र सार्वभौमसत्ताका विरुद्ध तपाईंले किन बोल्नु भएको हो? यसबारे तीन दिनभित्र लिखित रूपमा स्पष्टीकरण दिनुहोला।’
चौधरीले एक टेलिभिजन कार्यक्रममा ‘कालापानी र लिपुलेक भारतको हो’ भनेर अभिव्यक्ति दिएपछि उनको आलोचना भएको थियो। त्यसपछि पार्टीले उनलाई स्पष्टीकरण सोधेको हो।
प्रकाशित: २७ भदौ २०८१ २०:०८
प्रतिक्रिया
![महाधिवेशनबाट कमिटीलाई पूर्णता दिन नसक्नु हाम्रो कमजोरी हो : राजेन्द्र पाण्डे [अन्तर्वार्ता]](https://himalpress.com/wp-content/uploads/2024/09/rajendra.jpg)
