हिमाल प्रेस 
काठमाडौँ- इजरायली सुरक्षा बलले गाजापट्टीबाट हमासले बन्धक बनाएका ६ जनाको शव बरामद गरेको छ। रफा क्षेत्रस्थित एक सुरूङबाट शवहरू बरामद भएको इजरायली सुरक्षा बलले जनाएको हो।
इजरायली डिफेन्स फोर्स (आइडिएफ) ले मृत बन्धकहरूको नाम कार्मेल गैट, ईडन येरुशलमी, हर्श गोल्डबर्ग–पोलिन, अलेक्जेन्डर लोबानोव, अल्मोग सरुसी र मास्टर सार्जेन्ट ओरी डैनिनो रहेको बताएको छ।
आइडिएफका प्रवक्ता डेनियल हंगारीले आफूहरू पुग्नुअघि हमास आतंकीले बन्धकहरूलाई निर्यदतापूर्वक हत्या गरेको बताएको बीबीसीले जनाएको छ।
मृतक बन्धकमध्ये गोल्डबर्ग पोलिन अमेरिकी नागरिक हुन्। उनको हत्यापछि अमेरिकी राष्ट्रपति जो बाइडनले आफू आक्रोशित बनेको बताएका छन्।
उनीहरू सबैलाई अक्टुबर २०२३ मा हमासले बन्धक बनाएको थियो।
प्रकाशित: १६ भदौ २०८१ १४:५३
प्रतिक्रिया
