हिमाल प्रेस 
सर्वोच्च अदालत
काठमाडौँ- सर्वोच्च अदालतमा नेपाल प्रहरीका उच्च अधिकृतले दर्जागत उमेरहदका कारण गरिएको अवकाश रोक्न आदेशको माग गर्दै रिट निवेदन दायर गरेका छन्।
नेपाल प्रहरीका एआईजी श्यामलाल ज्ञवालीसहित पाँच जना उच्च अधिकृतले उमेर हदका कारण गरिएको अवकाश रोक्न आज (बुधबार) रिट निवेदन दायर गरेको र उक्त रिटमाथि बिहीबार सुनुवाइ हुने सर्वोच्च अदालतका प्रवक्ता अच्युत कुइँकेलले जानकारी दिए।
प्रहरी नियमावली–२०७१ अनुसार इन्स्पेक्टर ५२ वर्ष र डीआईजी तथा एआईजी ५६ वर्ष उमेर पूरा भएमा अवकाश हुने व्यवस्था छ। अदालतमा विचारधीन मुद्दाहरू रहेको हुँदा दर्जागत उमेर हदका कारण गरिएको अवकाश रोक्न रिट निवेदनमा माग गरिएको छ।
प्रकाशित: १२ भदौ २०८१ २१:४१
प्रतिक्रिया
