हिमाल प्रेस 
प्रतिनिधिमूलक तस्बिर
काठमाडौँ- इलाममा मोटरसाइकल दुर्घटनामा परी एक जनाको मृत्यु भएको छ । अन्य दुई जना गम्भीर घाइते भएका छन् । झापाबाट माई नगरपालिकातर्फ आउँदै गरेको ना ४८ प ८६३८ नम्बरको मोटरसाइकल माई नगरपालिका–२ सितली र नमस्ते चोक जोड्ने गरुवा खोला पुलमा अनियन्त्रित भएर दुर्घटना भएको थियो ।
तीन जना सवार मोटरसाइकल दुर्घटनामा माई नरपालिका–१०, गजेनी भञ्ज्याङका २६ वर्षीय दिनेश कार्कीको घटनास्थलमै मृत्यु भएको छ । अन्य दुई जना गम्भीर घाइते भएको लोदिया प्रहरी चौकी दानाबारीका हवल्दार सरोजकुमार यादवले जानकारी दिए ।
मोटरसाइकल चालक माई नगरपालिका–१०, गजेनी भञ्ज्याङकै ३२ वर्षीय विनोद लिम्बू र पछाडि सवार सोही ठाउँका १६ वर्षीय रोशन लिम्बू गम्भीर घाइते भएका छन् । उनीहरू दुवैको झापाको विर्तामोडस्थित बिर्तासिटी अस्पतालमा उपचार भइरहेको छ ।
प्रकाशित: १९ साउन २०८१ ६:५३
प्रतिक्रिया
