हिमाल प्रेस 
काठमाडौँ- काठमाडौँको सामाखुसीस्थित सिटी स्क्वायर मलमा क्युएफएक्स चेनको नयाँ हल सञ्चालन भएको छ। अभिनेता दीपकराज गिरी, किरण केसी, रमेश उप्रेती, जीतु नेपाल, निर्मल शर्मा, गायक प्रकाश सपूत र अभिनेत्री नीति शाहले संयुक्त रुपमा बिहीबार हलको उद्घाटन गरेका हुन्।
हल सञ्चालक सुमित मैनालीका अनुसार ३ पर्दासहितको यो हलमा ४ सय ९५ सिट क्षमता छ। मलको नवौँ तलामा खुलेको हलको ११ औँ र १२ औँ तलामा दर्शकलाई रिफ्रेसमेन्ट गर्नु परेमा कसमी बार एण्ड लाउन्ज समेत सञ्चालनमा ल्याइएको छ। करिब १८ करोडको लागतमा निर्माण भएको हो।
विशेषत हलका सबै थिएटरमा पिक्चर्स र साउन्ड क्वालिटीलाई उच्च प्राथमिकतामा राखिएको सञ्चालक मैनालीले बताए। योसँगै क्युएफएक्स हलको सङ्ख्या १७ पुगेको छ।
सामाखुसीलाई केन्द्र बनाएर हेर्दा यो हलमा फिल्म हेर्न टोखा, गंगबु, बुढानिलकण्ठ तथा नारायणगोपाल चोकका दर्शकलाई पायक पर्ने क्युएफएक्सले दाबी छ।
