पानी वा दूधमा भिजाएर ड्राई फ्रुट खानु कति स्वस्थकर ?

सुक्खा फल (ड्राई फ्रुट) हरू शताब्दीयौंदेखि स्वस्थ खाजाको रूपमा प्रयाेग हुँदै आएको छ। काजु, बदाम, किसमिस र अन्जीरजस्ता सुक्खा फलहरूमा क्याल्सियम, म्याग्नेसियम, पोटासियम, जिंक, आइरन, भिटामिन ई, भिटामिन बी १२, भिटामिन डी र ओमेगा ३ फ्याटी एसिड पर्याप्त मात्रामा पाइन्छ। यी सबै पोषक तत्वहरू शारीरिक र मानसिक स्वास्थ्यको लागि धेरै लाभदायक छन्।

पुरानो जमानामा हजुरआमाले भन्नुहुन्थ्यो हरेक बिहान ४ वटा भिजेको बदाम र ओखर खाएमा दिमाग तेजिलो हुन्छ। यति मात्र होइन, साँझमा थोरै भोक लागेमा ड्राई फ्रुट खानु उचित हुन्छ। तर के तपाईंले कहिल्यै सोच्नुभएको छ सुख्खा फलफूललाई ​​पानी वा दूधमा भिजाएर खाँदा धेरै स्वास्थ्य लाभ हुन्छ? दिल्लीका न्यूट्रिशनिस्ट र डाइटिशियन सिमरन अग्रवालबाट यसबारे जानौं :

दूधमा भिजाएर ड्राई फ्रुट खानुका फाइदा 

पोषणविद् सिमरनका अनुसार यदि तपाईँ आधादेखि १ घण्टासम्म ड्राई फ्रुट्स उपभोग गर्न चाहनुहुन्छ भने त्यसलाई दूधमा भिजाएर राख्न सकिन्छ। दूधमा ड्राई फ्रुट भिजाउँदा दूध स्वादिलो ​​हुन्छ।

दूध पिउन गाह्रो हुने वा दूधको स्वाद मन नपर्ने व्यक्तिले दूधमा ड्राई फ्रुट मिसाएर खाँदा त्यसबाट बढी फाइदा हुन्छ। दूधमा मिसाएर सुक्खा फलफूल खाँदा शरीरमा प्रोटिन, क्याल्सियम र मिनरल्सको मात्रा बढी हुन्छ, जसले रोग प्रतिरोधात्मक क्षमता बलियो बनाउँछ। यति मात्र होइन, दूधमा भिजाएर सुक्खा फलफूल खाँदा तौल बढाउन पनि मद्दत गर्छ।

पानीमा भिजाएर  ड्राई फ्रुट खानुका फाइदा

विज्ञहरूका अनुसार ड्राई फ्रुट्स पानीमा भिजाउँदा त्यसमा पाइने फाइटिक एसिडको मात्रा कम हुन्छ। फाइटिक एसिड पेटको लागि हानिकारक साबित हुन सक्छ। सुख्खा फलफूललाई ​​पानीमा भिजाउँदा यसको पोषकतत्व बढ्छ। पानीमा भिजाएर राखेको सुक्खा फलले यसको माथिल्लो तहमा रहेको फाइटिक एसिडलाई नष्ट गर्छ। यो फाइटिक एसिडले अपच निम्त्याउन सक्छ। त्यसैले पानीमा भिजाएर राखेको सुख्खा फलफूल बढी फाइदाजनक हुन्छ।

पानी वा दूधमा भिजाएर ड्राई फ्रुट खानु बढी स्वस्थकर हुन्छ?

ड्राई फ्रुटलाई ​​पानी  वा दूधमा भिजाएर खाने भन्ने कुरा हरेक व्यक्तिको आवश्यकतामा भर पर्ने विज्ञहरू बताउँछन्। यदि मधुमेह वा अन्य कुनै रोग भएका व्यक्तिहरू नियमित रूपमा ड्राइ फ्रुट्स खान चाहनुहुन्छ भने उनीहरूले यस विषयमा थप जानकारीको लागि चिकित्सकलाई सम्पर्क गर्न सक्छन्।

वन्लीमाइहेल्थबाट अनुवाद