हिमाल प्रेस 
काठमाडौं- स्कटल्यान्डका तीब्र गतिका बलर चार्ली कैसलले ७ विकेट लिएर इतिहास रचेका छन्।
एकदिवसीय क्रिकेटको आफ्नो पहिलो खेलमै ७ विकेट लिएर उनले कीर्तिमान बनाएका हुन्।
आइसीसी विश्वकप लिग–२ अन्तर्गतको म्याचमा चार्लीले ओमानविरूद्ध ७ विकेट लिएका हुन्।
उनले ५.४ ओभरमा २१ रन खर्चेर ७ विकेट लिएका हुन्।
यसअघि यो कीर्तिमान दक्षिण अफ्रिकाका कागिसो रवाडाको नाममा रहेको थियो।
रवाडाले सन् २०१५ मा बंगलादेशविरूद्ध आफ्नो पहिलो खेलमा १६ रन खर्चेर ६ विकेट लिएका थिए।
स्कटल्यान्डका तीब्र गतिका बलर क्रिस सोल व्यक्तिगत कारणले टिममा सहभागी हुन नसकेपछि उनको स्थानमा ओमानविरूद्धको खेलमा चार्लीलाई मौका दिइएको थियो।
प्रकाशित: ७ साउन २०८१ २१:१३
प्रतिक्रिया
