![चितवनमा पहिरोले दुईवटा यात्रुबस बगायो,खोजी गर्दै प्रहरी](https://himalpress.com/wp-content/uploads/chunck/03/badhipahiro_1654769541.jpg)
काठमाडौँ- अविरल वर्षाका कारण चितवनमा पहिरोले दुईवटा यात्रुबाहक बस बगाएको छ।
आज बिहान ३ बजे भरतपुर महानगरपालिका–२९ सिमलताल अविरल वर्षाका कारण ठूलो पहिरोले वीरगंजबाट काठमाडौँ आउँदै गरेको र काठमाडौँबाट गौरतर्फ जाँदै गरेको यात्रुबस बगाई नारायणी नदीमा बेपत्ता भएको प्रहरीले जनाएको छ।
उक्त स्थानमा उद्धारका निम्ति चितवनबाट ३५ जना सशस्त्र प्रहरी र विपद् व्यवस्थापन तालिम शिक्षालयबाट सातजना गोताखोरसहित २० जना परिचालन भएको प्रहरीको भनाइ छ। पहिरोका कारण मुग्लिन–नारायणगढ सडकखण्ड अवरुद्ध रहेको छ।
प्रहरीको प्रारम्भिक अनुसन्धान अनुसार दुईवटै बस नदीमा डुबेको छ भने यात्रुहरूको अवस्था अज्ञात रहेको छ। बसमा ४०-४२ जना यात्रु भएकाे प्रहरीको अनुमान छ।
प्रकाशित: २८ असार २०८१ ६:३९
प्रतिक्रिया