![सुनको भाउ बढ्यो](https://himalpress.com/wp-content/uploads/2024/04/gold-nepali-bazzer.jpg)
काठमाडौँ- सुनको भाउ तोलामा आज ८ सय रुपैयाँले बढेको छ। नेपाल सुनचाँदी व्यवसायी महासंघका अनुसार अघिल्लो दिन प्रतितोला १ लाख ४४ हजार १ सय रुपैयाँ रहेको सुन आज १ लाख ४४ हजार ९ सय रुपैयाँमा कारोबार भइरहेको छ।
यसअघि साताको पहिलो दिन आइतबार सुनको भाउ हालसम्मकै उच्च १ लाख ४५ हजार ४ सय रुपैयाँ पुगेको थियो। चाँदीको भाउ भने तोलामा १५ रुपैयाँले बढेको छ। अघिल्लो दिन प्रतितोला १ हजार ८ सय ७० रुपैयाँ रहेको चाँदी आज १ हजार ८ सय ८५ रुपैयाँ कारोबार भइरहेकोे महासंघले जनाएको छ।
प्रकाशित: २७ असार २०८१ ११:४१
प्रतिक्रिया