वृश्चिक आयआर्जन बढ्ने, कन्या महत्त्वपूर्ण काम थालनी, अन्य राशिकाे यस्ताे फल

आज मिति २०८१, असार २१ गते शुक्रबार। असार कृष्ण औंसी तिथि। पञ्चाङ्ग वृद्धि चतुष्पद आर्द्रा। तदनुसार २०२४ जुलाई ५। आज यस्तो छ तपाईँको राशिफल।

मेष राशि :  काममा विभिन्न अवसर पाइनेछ। समयमा सहि निर्णय लिन सक्ने क्षमताले अगाडि बढ्न मद्दत पुग्नेछ। अरुले आफ्ना कमजोरीप्रति गुनासो गर्न सक्छन्।

वृष : रमाइलो जमघटमा सहभागी बन्ने अवसर जुट्न सक्छ। आम्दानीका नयाँ स्रोत फेला पर्नेछन्। गरेका कामबाट प्रशस्त लाभ हुनेछ।

मिथुन : व्यापारमा प्रशस्त फाइदा हुने योग रहेको छ। परिवारको सहयोगबाट विशेष फाइदा उठाउन सकिनेछ। साथीभाईसँग रमाइलोमा समय बित्नेछ।

कर्कट : काममा परिवारको सहयोग प्राप्त हुनेछ। सामाजिक मानसम्मान र प्रतिष्ठित काम गर्ने मौका छ। अरूलाई प्रभावित पारेर काम लिन सकिने छ।

सिंह : आफ्नो क्षेत्रको नेतृत्व गर्दै विदेश जाने योग रहेको छ। अरूकै कामको जिम्मेवारी समेत बढिरहनेछ। काममा सजिलै सफलता मिल्नेछ।

कन्या : आफन्तको सहयोगले महत्त्वपूर्ण कामको थालनी हुनेछ। प्रयत्न गर्दा सहयोगीका माध्यमबाट फाइदा उठाउन सकिनेछ।

तुला : स्वास्थ्यमा सुधार आउनेछ। भेटघाटमा समय बित्नेछ। विश्वास गरेकाले साथ दिनेछन्। रोकिएका काम सुचारु हुनेछन्।

वृश्चिक : श्रमको उचित मूल्यांकन हुनेछ। नयाँ ज्ञान प्राप्त हुने योग रहेको छ। पढाइमा प्रगति हुनेछ। आयआर्जन बढ्ने समय छ।

धनु : सामाजिक क्षेत्रमा नेतृत्व हातलागी हुनेछ। परिवार र आफन्तको सहयोगबाट प्रशस्त लाभ उठाउन सकिनेछ। व्यापारमा फाइदा हुनेछ।

मकर : समाजमा मानसम्मान र प्रतिष्ठा कमाउने बेला छ। सामाजिक उत्तरदायित्व वहन गर्दै फाइदा हुने काम र जिम्मेवारी हात पार्ने मौका छ।

कुम्भ : साथीभाईको सहयोगले महत्वपूर्ण कामहरु सफल हुनेछन्। व्यावसायिक काममा खर्च बढ्नेछ। हिम्मतले काम लिन सकिनेछ।

मीन : पढाइलेखाइमा प्रगति हुनेछ। आश मारेको कामले उत्साह जगाउनेछ। तत्काल लाभ नभए पनि विभिन्न सकारात्मक संकेतहरू प्राप्त हुनेछन्।