कांग्रेसले डाक्यो केन्द्रीय कार्यसम्पादन समिति बैठक

काठमाडौँ– नेपाली कांग्रेस केन्द्रीय कार्य सम्पादन समितिको बैठक बुधबार बस्ने भएको छ। बैठक बिहान ९ बजे सभापति शेरबहादुर देउवाको निजी निवास बूढानीलकण्ठमा डाकिएको हो।

बैठकमा केन्द्रीय कार्यसम्पादन समितिका पदाधिकारी एवं सदस्यहरूको उपस्थितिका लागि अनुरोध गरिएको मुख्य सचिव कृष्णप्रसाद पौडेलले जानकारी दिएका छन्। कांग्रेस र एमालेबीच नयाँ सहमति भएपछिको राजनीतिक परिस्थितिबारे छलफल गर्न बैठक डाकिएको हो।