हिमाल प्रेस 
पूर्वगभर्नर महाप्रसाद अधिकारी
काठमाडौँ- राष्ट्र बैंकले चेक अनादरसम्बन्धी आफ्नो निर्देशनलाई पुनरावलोकन गर्ने भएको छ । आर्थिक वर्ष २०८१/८२ को मौद्रिक नीति सार्वजनिक गर्दै गभर्नर महाप्रसाद अधिकारीले चेक अनादरलाई मात्र आधार मानी कालोसूचीमा राख्ने तथा बैंकिङ कारोबारमा बन्देज हुने गरी खाता रोक्का राख्नेलगायत व्यवस्था परिमार्जन गर्ने बताए । यो निर्माण क्षेत्रमा काम गर्ने कम्पनीको हकमा लागू हुने व्यवस्था हो ।
‘विद्यमान कर्जा सूचना र कालोसूचीसम्बन्धी निर्देशनमा पुरावलोकन गरिने छ’, उनले भने । साथै निर्माण व्यवसायहरूलाई कर्जा सूचनासम्बन्धी अर्को व्यवस्था नभएसम्मको लागि चेक अनादर भएको आधारमा मात्र कालोसूचीमा समावेश नगर्ने व्यवस्था पनि नीतिमा उल्लेख छ।
प्रकाशित: ११ साउन २०८१ १३:१२
प्रतिक्रिया
