हिमाल प्रेस 
आर्थिक मामिला तथा योजनामन्त्री रामबहादुर मगर बजेट वक्तव्य पढ्दै। फाइल तस्बिर।
इटहरी- कोशी प्रदेश सरकारले संसद्मा पेस गरेको आर्थिक वर्ष २०८१/८२ को बजेट पारित भएको छ।
शुक्रबार राति ९ बजेसम्म बजेटमाथिको छलफलपछि आज बसेको प्रदेशसभाको १३औँ बैठकले विनियोजन विधेयक २०८१ र अर्थसम्बन्धी प्रस्तावलाई कार्यान्वयन गर्न बनेको विधेयक २०८१ पास गरेको हो।
असार १ गते सरकारले चालु आर्थिक वर्षको भन्दा एक अर्ब कम ३५ अर्ब २७ करोड ९३ लाख रुपैयाँको बजेट प्रस्तुत गरेकाे थियाे। असार ४ गतेबाट बजेटमाथि छलफल सुरु भएको थियो। चार दिन लगातार छलफलपछि बजेट पारित भएको हो।
बजेट पारित गर्नुअघि नेपाली कांग्रेस सांसद गोपाल तामाङ र राप्रपा सांसद सविना बजगाईँले पेस गरेको खर्च कटौतीको प्रस्ताव भने अस्वीकृत भएको थियो।
प्रकाशित: ८ असार २०८१ १९:५५
प्रतिक्रिया
