![करेन्ट लागेर दाइको मृत्यु, भाइ घाइते](https://himalpress.com/wp-content/uploads/2023/02/death_1_1649752306.jpg)
जनकपुरधाम- सर्लाहीको बरहथवामा करेन्ट लागेर एक जनाको मृत्यु भएको छ। मृत्यु हुनेमा बरहथवा नगरपालिका वडा नका १० का २१ वर्षीय आबोध ठाकुर रहेको प्रहरीले जनाएको छ।
बरहथवा ५ मा रहेको नेपाल टेलिकमको कार्यालयमा ज्यालादारीमा काम गर्ने ठाकुर र उनीसँगै काम गर्ने उनका भाइ आनन्द ठाकुर बिहीबार बिहान करिब ११ बजे करेन्ट लागेर घाइते भएका थिए ।
घाईते दुवै जनालाई उपचारका लागि बरहथवास्थित एडभान्स सञ्जिवनी अस्पतालमा पुर्याइएको थियो।
गम्भीर घाइतेको उपचार त्यहाँ सम्भव नभएपछि थप उपचारका लागि हरिवनस्थित सरस्वती अस्पतालमा लगिएको र उपचारको क्रममा उनको मृत्यु भएको प्रहरीले जनाएको छ।
करेन्ट लागेर उनीसँगै घाइते भएका भाइको उपचार बरहथवास्थित एडभान्स सञ्जिवनी अस्पतालमै भइरहेको छ।
प्रकाशित: ६ असार २०८१ १७:०९
प्रतिक्रिया