![युरो २०२४ : जर्मनी ‘अन्तिम १६’ पुग्ने पहिलो टोली](https://himalpress.com/wp-content/uploads/2024/06/gurmany.jpg)
काठमाडौँ- जर्मनीले लगातार दोस्रो खेल खेल्दै युरो २०२४ को अन्तिम १६ मा स्थान पक्का गरेको छ ।
समूह ‘ए’अन्तर्गत बुधबार भएको खेलमा हंगेरीलाई २-० ले पराजित गर्दै जर्मनी नकआउट चरण पुग्ने पहिलो टोली बनेको हो।
दुई खेलबाट ६ अंकसहित जर्मनी समूह ‘ए’ को शीर्ष स्थानमा छ। यता पहिलो खेलमा स्वीट्जरल्यान्डसँग पराजित हंगेरी २ खेलमा अंकविहीन छ।
स्टुटगार्ड एरेनामा भएको खेलमा जमाल मुसिएलाले २२औँ मिनेटमा गोल गर्दै जर्मनीलाई अग्रता दिलाएका थिए ।
त्यसपछि कप्तान इल्के गुन्डागोनले ६७औं मिनेटमा जर्मनीका लागि दोस्रो गोल गरे।
जर्मनीले समूहको पहिलो खेलमा स्कटल्यान्डलाई ५-१ ले पराजित गरेको थियो ।
अब समूह को अन्तिम खेलमा जर्मनीले स्विट्जरल्यान्डसँग खेल्नेछ ।
प्रकाशित: ६ असार २०८१ ७:३९
प्रतिक्रिया