हिमाल प्रेस 
काठमाडौँ- मधेश प्रदेश सरकारले सामुदायिक विद्यालयमा सञ्चालित बालविकास कक्षाको व्यवस्थापनका लागि बजेट विनियोजन गरेको छ।
शुक्रबार सरकारले आगामी आव २०८१/८२ का लागि बजेट सार्वजनिक गर्दै बालविकास केन्द्र व्यवस्थापनका लागि बजेट विनियोजन गरेको हो।
प्रदेशसभामा अर्थमन्त्री भरतप्रसाद साहले बालविकास केन्द्र व्यवस्थापनका लागि १ करोड २८ लाख रुपैयाँ विनियोजन गरेको बताए।
‘प्रत्येक प्रादेशिक निर्वाचन क्षेत्रमा १ वटाका दरले सामुदायिक विद्यालयमा सञ्चालित बालविकास कक्षाको व्यवस्थापनमा सहयोगको लागि १ करोड २८ लाख विनियोजन गरेको छु’ साहले भने।
अर्थमन्त्री साहले शिक्षा तथा संस्कृतितर्फ २ अर्ब ९० करोड ५१ लाख ७६ हजार विनियोजन गरेका छन्।
प्रकाशित: ४ असार २०८१ ११:१७
प्रतिक्रिया
