![न्युजिल्यान्डलाई अफगानिस्तानको १६० रनको लक्ष्य](https://himalpress.com/wp-content/uploads/2024/06/new.jpg)
काठमाडौँ- आइसीसी टी-२० विश्वकपमा अफगानिस्तानले न्युजिल्यान्डलाई १६० रनको लक्ष्य दिएको छ। शनिबार बिहान भएको खेलमा टस हारेर पहिले ब्याटिङ गरेको अफगानिस्तानले ६ विकेट गुमाएर १५९ रन बनाएको हो।
अफगानिस्तानका लागि दुई ओपनरले उत्कृष्ट प्रदर्शन गरे। ओपनर रहमानउल्लाह गुर्बाजले ८० र इब्राहिम जद्रानले ४४ रन बनाए। गुर्बाजले ५६ बलमा ५ चौका र ५ छक्का प्रहार गरे भने इब्राहिम जद्रानले ४१ बलमा ३ चौका र २ छक्का प्रहार गरे।
अज्मतउल्लाह ओमरजइले १३ बलमा १ चौका र १ छक्का प्रहार गरी २२ रन बनाए। अन्य ब्याटरले दोहोरो अंकमा रन बनाउन सकेनन्।
प्रकाशित: २६ जेठ २०८१ ७:२७
प्रतिक्रिया