हिमाल प्रेस 
शीतल निवासमा मंगलबार नेपाल र नेदरल्यान्ड्सबीचको खेल अवलोकन गर्दै राष्ट्रपति रामचन्द्र पौडेल। तस्बिर सौजन्य : राष्ट्रपतिको स्वकीय सचिवालय
काठमाडौँ- राष्ट्रपति रामचन्द्र पौडेलले आईसीसी टी-२० विश्वकप क्रिकेटअन्तर्गत नेपाल र नेदरल्यान्ड्सबीचको खेल अवलोकन गरेका छन्। राष्ट्रपति भवन शीतल निवासमा राष्ट्रपति पौडेलले प्रथम महिला सविता पौडेलका साथ खेल अवलोकन गरेको स्वकीय सचिवालयले जनाएको छ।
नेपाली क्रिकेट टिमले दोस्रो पटक टी-२० विश्वकप खेल्दै छ। यसअघि राष्ट्रपति पौडेलले नेपाली टिमलाई भिडियो सन्देशमार्फत शुभकामना दिएका थिए। नेपालले नेदरल्यान्ड्सविरुद्ध टस हारेर पहिला ब्याटिङ गरिरहेको छ।
प्रकाशित: २२ जेठ २०८१ २२:२६
प्रतिक्रिया
