हिमाल प्रेस 
काठमाडौँ- आईसीसी टी-२० विश्वकपमा अफगानिस्तानले युगान्डालाई १८४ रनको लक्ष्य दिएको छ।
टस हारेर ब्याटिङ पाएको अफगानिस्तानले निर्धारित २० ओभरमा ५ विकेट गुमाएर १८३ रन बनाउन सफल भयो।
अफगानिस्तानका ओपनरको ठूलो साझेदारीका कारण सो लक्ष्य युगान्डाले पाएको हो। रहमनुल्लाह गुरुबाजले ७६ र इब्राहिम जादरानले ७० रन बनाएर ठूलो लक्ष्यतर्फ धकेलेका थिए। दुवै ओपनरको १५४ रनको साझेदारी १४ दशमलव ३ ओभरसम्म टिकेको थियो।
यस्तै अफगानिस्तानका मोहम्मद नाबी १४ रन बाहेक अरूले दोहोरो अंक छुन सकेनन्। यता युगान्डाका कोसमास केवुटा र ब्रायन मसाबाले २/२ विकेट लिए।
अलेपेश रमजानीले १ विकेट लिए। दोस्रो इनिङ्सको खेल केही समयमै सुरु हुँदैछ।
प्रकाशित: २२ जेठ २०८१ ८:१०
प्रतिक्रिया
