हिमाल प्रेस 
काठमाडौँ- आईसीसी टी-२० विश्वकपको नवौँ संस्करणको टी-२० विश्वकपको उद्घाटन खेलमा अमेरिकाले क्यानडामाथि ७ विकेटलको जित निकालेको छ।
एड्रिज गौस र एरोन जोन्सको आक्रामक ब्याटिङले क्यानडाले दिएको १९५ रनको लक्ष्य अमेरिकाले १४ बल बाँकी रहँदै सहज जित निकाल्यो।
एड्रिजले ४६ बलमा ६५ रन र एरोनले ४० बलमा ९४ रनको पारी खेले।
मयंक पटेलले १६ र कोरी एडर्सनले ३ रन बनाए। क्यानडाका कलिम साना, डिलोन हेलियर र निखिल दुत्ताले समान १-१ विकेट लिए।
डालसस्थित ग्राण्ड प्रेरी क्रिकेट रंगशालामा टस हारेर पहिले ब्याटिङ गरेको क्यानडाले ५ विकेट गुमाएर निर्धारित २० ओभरमा १९४ रन बनाएको थियो। क्यानडाका लागि नवनित डालिवालले ६१ र निकोलस क्लिटनले ५१ रनको अर्धशतकीय इनिङ्स खेलेका थिए।
आरोन जोनसन २३, पर्गत सिंह ५ र श्रेयास मोभ्या ३२ रन बनाउन सफल भए।
यता अमेरिकाका लागि अलि खान, कोरी एडर्सन र हार्मित सिंह १/१ विकेट लिन सफल भए।
