तीन प्रहरी डीआईजीको काज सरुवा

काठमाडौँ- गृह मन्त्रालयले तीन जना प्रहरी नायव महानिरीक्षकहरूको काज सरुवा गरेको छ। डीआईजीहरू रामदत्त जोशी, लालमणि आचार्य र अर्जुन चन्द ठकुरीको काज सरुवा गरिएको हो।

जोशीलाई त्रिभुवन अन्तर्राष्ट्रिय विमानस्थल सुरक्षा कार्यालय काठमाडौँ र आचार्यलाई नेपाल प्रहरी शिक्षालय भरतपुर चितवन काजमा पठाइएको छ। ठकुरीलाई कर्णाली प्रदेश प्रहरी कार्यालय सुर्खेतमा सरुवा गरिएको छ।