माघ ११ देखि मण्डलामा ‘द जू स्टोरी’ मञ्चन

काठमाडौँ– माघ ११ अर्थात् भोलिदेखि थापागाउँस्थित मण्डला थिएटरमा नाटक ‘द जू स्टोरी’ मञ्चन हुने भएको छ। अमेरिकी नाटककार एडवर्ड अल्बीको नाटकलाई द वल्ड थिएटर नेपालले नेपालीमा रूपान्तरण गरेको हो। नाटक सजग रानाले निर्देशन गरेका छन्।

नाटकमा एक्लोपन महसुस गरिरहेका युवा पुस्ता, मानसिक रोगले पीडित र लैंगिक पहिचान बुझ्न नसकेका समुदायको कथा प्रस्तुत गरिएको निर्माण टिमले बताएको छ।

नाटकमा कलाकार राजकुमार पुडासैनी, विजय ताम्राकार, नर क्षेत्री र अदिति श्रेष्ठले अभिनय गरेका छन्।

द वल्ड थिएटरको प्रस्तुतिमा मञ्चन हुन नाटक सोमबारबाहेक साताको प्रत्येक दिन अपरान्ह ४ बजे मञ्चन हुनेछ। शनिबार भने दिउँसो साढे १२ बजे र ४बजे गरी दुई शो हुने जनाइएको छ।

मण्डलामै कलाकार बुद्धि तामाङ र साेनाम लामा निर्देशित नाटक ‘मासिन्या’ पनि मञ्चन हुँदैछ।