हिमाल प्रेस 
काठमाडौँ- प्रधानमन्त्री कप एकदिवसीय राष्ट्रिय क्रिकेट प्रतियोगिता आजदेखि सुरु हुँदैछ। पहिलो दिन आज तीन वटा खेल हुँदैछन्।
कीर्तिपुरमा बागमती प्रदेश र नेपाल पुलिस क्लब, मूलपानीमा कोशी प्रदेश र मधेश प्रदेश तथा भैरहवामा लुम्बिनी र गण्डकी प्रदेशबीच खेल हुनेछ।
यी खेल बिहान सवा ९ बजेदेखि सुरु हुनेछन्। यो प्रतियोगितामा ७ प्रदेश र तीन विभागीय गरी १० टोली सहभागी छन्। खेल कीर्तिपुर, मूलपानी र भैरहवाको सिद्धार्थ रङ्गशालामा हुनेछन् ।
खेल हेर्न त्रिवि क्रिकेट मैदानमा नि:शुल्क प्रवेश दिइने क्यानले जनाएको छ।
प्रकाशित: २८ पुष २०८० ९:४९
प्रतिक्रिया
