टुँडिखेलको भीडमा च्यापिएर घाइते (नामावलीसहित)

काठमाडौँ- टुँडिखेलमा आयोजित माघी कार्यक्रमको भीडभाडमा च्यापिएर घाइते हुनेको संख्या ११ पुगेको छ।

माघे संक्रान्तिको अवसरमा मगर र थारु समुदायले आयोजना गरेको अलग–अलग कार्यक्रममा सहभागी हुन गएका सर्वसाधारण अत्यधिक भीडभाडमा च्यापिएर घाइते भएका हुन्।

घाइते भएका ११ जनालाई उपचारका लागि राष्ट्रिय ट्रमा सेन्टर लगिएको जिल्ला प्रहरी परिसर काठमाडौंका प्रवक्ता प्रहरी उपरीक्षक कुमोध ढुंगेलले बताए । घाइतेहरूको अवस्था सामान्य रहेको उनले बताए।

भित्र प्रवेश गर्ने र बाहिर निस्कनेहरू धेरै हुँदा टुँडिखेलको गेटमा भीडभाड बढेको थियो । प्रहरीले यसक्रममा लाठी चार्ज गरी भीड नियन्त्रणमा लिएको छ । भीडमा परेर एक जना प्रहरी जवान पनि घाइते भएको परिसर प्रवक्ता ढुंगेलले बता ए।

घाइतेहरूको विवरण

१ जिल्ला खोटाङ हलेसी तुवाचुङ नगरपालिका–१० घर भई हाल ललितपुर पाटन ढोका बस्ने वर्ष १२ को त्रिसना मगर (टाउकोमा चोट बोल्न सक्ने)
२, जिल्ला सिन्धुपालचोक घर भई हाल ललितपुर जिल्ला चामुण्डा बस्ने वर्ष १२ की अन्जना तामाङ (निधारमा चोट बोल्न सक्ने)
३, जिल्ला धादिङ गंगा जमुना गाउँपालिका–५ घर भई हाल काठमाण्डौ जिल्ला फुटुङ बस्ने वर्ष १९ की रेजिना घले (निधार र मुखमा चोट बोल्न सक्ने)।
४, जिल्ला धनकुटा घर भई हाल ललितपुर जिल्ला चाखुपाट बस्ने वर्ष १६ की निकिता मगर (अनुहारमा चोट बोल्न सक्ने)।
५, जिल्ला बर्दिया राधापुर नगरपालिका–१ घर भई हाल काठमाण्डौ जिल्ला नयाँबजार बस्ने वर्ष ३० की रेखा चौधरी (पेटमा चोट बोल्न सक्ने)।
६, जिल्ला प्युठान खलङगा गाउँपालिका–४ घर भई हाल काठमाण्डौ जिल्ला फुटुङ बस्ने वर्ष १६ की अनिसा केसी (दाहिने हातमा चोट बोल्न सक्ने)।
७, जिल्ला कैलाली भजनिया नगपालिका–३ घर भई हाल ललितपुर भैसेपाटी बस्ने वर्ष २५ की कल्पना चौधरी (टाउकोमा चोट बोल्न सक्ने)।
८, जिल्ला सुनसरी धरान उप–महानगरपालिका–३ घर भई हाल काठमाडौँ जिल्ला बनस्थली बस्ने वर्ष २२ की मन्दिरा बस्नेत (बाया खुट्टा र कानमा चोट बोल्न सक्ने)।
९, जिल्ला ललितपुर ललितपुर महानगरपालिका–२२ बस्ने वर्ष ४० की मिना थापा (वेहोस अवस्थामा ल्याएको हाल बोल्न सक्ने)।
१०, जिल्ला कैलाली घोडाघोडी गाउँपालिका घर भई काठमाडौँ जिल्ला सितापाईला बस्ने वर्ष १९ की रिजा रेस्मी मगर (निधारमा पेटमा चोट बोल्न सक्ने)।
११, जिल्ला रोल्पा घर भई हाल कोशी प्रदेश तालिमकेन्द्र दरबन्दी भई त्रिपुरेश्वर विशेष सुरक्षा गणमा कार्यरत प्र।ज। पृथ्वी बुढामगर (बाया खुट्टामा चोट बोल्न सक्ने)।