एसीसी यू-१९ एसिया कप : अफगानिस्तानसँग भिड्दै नेपाल

काठमाडौँ- एसीसी यू-१९  एसिया कप क्रिकेटमा आज नेपालले अफगानिस्तानसँग खेल्दैछ।

यूएईको दुबईस्थित आईसीसी एकेडेमी ओभल २ मा बिहान सवा ११ बजे नेपाल र अफगानिस्तानबीचको खेल सुरु हुनेछ।

नेपाल र अफगानिस्तान दुवैले समूह चरणको दोस्रो खेल खेल्दैछन्।

नेपाल पहिलो खेलमा पाकिस्तानसँग ७ विकेटले पराजित भएको थियो भने अफगानिस्तान पनि भारतसँग ७ विकेटले पराजित भएको थियो। सेमिफाइनल सम्भावना जिवित राख्न दुवै देशलाई आजको खेल जित्नुपर्ने दबाब छ।

नेपाल र अफगानिस्तान यू -१९ को पछिल्लो पाँच भेटमा पाँचै पटक अफगानिस्तान विजयी भएको छ।

आजै हुने समूह ‘ए’को अर्को खेलमा भारत र पाकिस्तान भिड्दै छन्। यी दुई टोलीलाई पनि सेमिफाइनलमा स्थान सुरक्षित बनाउन आजको खेल जित्नुपर्ने दबाव छ।

८ देश सम्मिलित जारी प्रतियोगितामा नेपाल, भारत, पाकिस्तान र अफगानिस्तान समूह ‘ए’मा छन् भने श्रीलंका, बंगलादेश, युएई र जापान समूह ‘बी’मा छन्।