हिमाल प्रेस 
फाइल तस्बिर।
काठमाडौँ- जल तथा मौसम विज्ञान विभाग, मौसम पूर्वानुमान महाशाखाले
शनिबार देशका केही भू-भागमा हिमपातको सम्भावना रहेको जनाएको छ। पश्चिमी क्षेत्रमा पश्चिमी वायुको आंशिक प्रभाव रहँदा हिमपातको सम्भावना रहेको महाशाखाले जनाएको हो।
महाशाखाले शनिबार बिहान पहाडी भू-भागमा आंशिक बदली रहेको जनाउँदै बाँकी भू-भागको मौसम सामान्यतया सफा रहेको बताएको छ।
महाशाखाका अनुसार दिउँसो देशको पहाडी भू-भागमा आंशिक बदली र बाँकी भू-भागको मौसम सामान्यतया सफा रहनेछ।
कोसी, बागमती र गण्डकी प्रदेशका उच्च पहाडी तथा हिमाली भू-भागका एक÷दुई स्थानमा हल्का हिमपातको सम्भावना छ।
महाशाखाले राति पहाडी भू-भागमा आंशिक बदली रहने बताएको छ। बाँकी भू-भागको मौसम सामान्यतया सफा रहनेछ।
प्रकाशित: २ मंसिर २०८० ६:३४
प्रतिक्रिया
