हिमाल प्रेस 
काठमाडौँ– जनकपुरबाट इलाम शैक्षिक भ्रमणका लागि गएको बस दुर्घटनामा परेको छ। इलामको कन्याम पुगेर फर्किँदै गर्दा रोङ गाउँपालिका-३ स्थित मेची राजमार्गबाट झापातर्फ जाँदै गर्दा बस सडकबाट ३०० मिटर तल खसेको हो।
ना ६ ख ८४२४ नम्बरको उक्त बस दुर्घटना हुँदा बसमा सवार ३७ जना घाइते भएका हुन्। घाइते मध्ये ३६ जनाको उद्धार भइसकेको र एक जा रुखमा अड्किएकोले उद्धारको काम भइरहेको जिल्ला प्रहरी कार्यालयका डीएसपी प्रकाश जवेगुले जानकारी दिए। बस साँझ ५ बजे दुर्घटनामा परेको प्रहरीले जनाएको छ। घाइतेमध्ये अधिकाशंको अवस्था गम्भीर रहेको बताइएको छ।
प्रकाशित: ३ मंसिर २०८० १९:२७ | Sunday, November 19, 2023
प्रतिक्रिया
