हिमाल प्रेस 
काठमाडौँ- गायक एवं संगीतकार किरणबाबु पुन र भारतीय गायिका सञ्जीवनीको स्वरमा ‘पिपल बोट मुनी’ बोलको गीत सार्वजनिक भएको छ।
गीत गायक पुनकै आधिकारिक युट्युब च्यानलबाट सार्वजनिक गरिएको हो।
गायक किरणबाबुकै शब्द र संगीत रहेको प्रेमिल गीतको संगीत संयोजन कमल सौरागले गरेका छन्। गीतको भिडियोमा गायक तथा मोडल रामजी खाँण र मोडल करिश्मा ढकालले अभिनय गरेका छन्।
शंकरा डिजिटलमा रेकर्ड गरिएको गीतको भिडियो हाँस्यकलाकार खड्ग बहादुर पुन (खबपु)ले निर्देशन गरेका हुन्।
अजय रेग्मीको छायांकन र राजकुमार मगरको सम्पादनमा भिडियो निर्माण भएको छ।
प्रकाशित: २२ असोज २०८० १२:२३
प्रतिक्रिया
