सहरमा आज : मण्डलामा ‘ब्युँझिएको सिरानी’, हलमा फुक्रे ३ देखि नाङ्गो गाउँसम्म

काठमाडौँ- हिन्दूहरूको महान चाड दसैँ नजिकिएसँगै यो साता उपत्यकामा विभिन्न मेलाहरू सुरु भएको छ। अन्य मनोरञ्जनात्मक कार्यक्रमहरू पनि जारी छ।

नाटकघरमा तीन नाटक र हलमा नेपाली, बलिउड र हलिउडका थुप्रै फिल्म प्रदर्शन भइरहेका छन्। प्रदर्शनीमार्गमा जुत्ता चप्पल मेला र ललितपुरमा पुस्तक प्रदर्शनी मेला पनि जारी छ।

मण्डलामा ‘ब्युँझिएको सिरानी’

थापागाउँस्थित मण्डला नाटकघरमा नाटक ‘ब्युँझिएको सिरानी’ मञ्चन भइरहेको छ। असोज १६ गतेदेखि सुरु गरिएको नाटक असोज २८ सम्म मञ्चन हुनेछ। नाटक मानसिक स्वास्थ्यको विषयमा आधारित छ।

नाटकको निर्देशन कलाकार तथा कोरियोग्राफर जेडी तमूले गरेका छन्। मानसिक स्वास्थ्यको विषयलाई केन्द्रबिन्दु बनाएर तयार पारिएको नाटकले मानसिक दुर्बलतामाथिको मौनता तोड्ने प्रयास गरेको छ।

नाटक प्रत्येक दिन बेलुका ५ बजे मञ्चन भइरहेको छ। आज (शनिबार) दिउँसो १ बजेको अतिरिक्त शो पनि हुनेछ।

नाटकमा कलाकार रूपेश लामा, वेदना राई, सुरज तमू, मनि के राई, सुजन सेनेहाङ, सृष्टि महर्जन, दिया शाक्य, रेनुका घर्ती मगर, मुस्कान राउत, लुनिभा महर्जन, रामचन्द्र मनेरू, ग्लोरी थापा, सिर्जना भट्टराईलगायतले अभिनय गरेका छन्।

गुरुकुलमा ‘म पनि मान्छे हुँ’

थापागाउँस्थित आरोहण गुरुकुल (कुञ्ज थिएटर) मा नाटक ‘म पनि मान्छे हुँ’ मञ्चन भइरहेको छ। आज नाटक मञ्चनको अन्तिम दिन हो। नाटक भारतीय लेखक विष्णु प्रभाकरको नाटक ‘मै भी मानव हुँ’ को नेपाली अनुवाद हो। नाटक सरोज अर्यालले अनुवादन गरेका हुन्। सरोजकै परिकल्पना र निर्देशन रहेको नाटकमा माला आर्टस् एकेडेमीको प्रस्तुति छ।

युद्धको कथामा आधारित नाटकमा बिम्ब अधिकारी, अंकित खड्का, सुष्मा निरौला, अभिषेक शर्मा राजोपाध्याय, सन्दीप डंगोल, एडन बात्रि, मनिष व्याञ्जु, संस्कृति दुवाडी र सदिन लुइँटेललगायतको अभिनय छ। साताको प्रत्येक दिन सोमबारबाहेक साँझ साढे ५ बजे मञ्चन भइरहेको नाटक आज शनिबार दिउँसो २ बजेको अतिरिक्त शो छ।

कौसीमा ‘द वेडिङ एल्बम’

टेकुस्थित कौसी थिएटरमा नाटक ‘द वेडिङ एल्बम’ मञ्चन भइरहेको छ। भारतीय रंगकर्मी गिरीश कर्नाडको नाटकलाई आकांक्षा कार्कीले नेपालीमा अनुवाद एवं निर्देशन गरेकी छन्।

नाटकमा निर्देशक कार्कीसहित लुनिभा तुलाधर, आशान्त शर्मा, सुदाम सिके, केनिपा सिंह पहारी, नवीनचन्द्र अर्याल, ऋषिकेश बस्याल, जीवन गौतम, निष्ठा त्रिपाठीलगायत कलाकारको अभिनय छ। असोज ४ गतेदेखि मञ्चन भएको नाटक असोज २७ सम्म चल्नेछ।

नाटक प्रत्येक साताको मंगलबारबाहेक प्रत्येक दिन साँझ सवा पाँच बजे र शनिबार दिउँसो एक बजे पनि मञ्चन गरिनेछ।

पुल्चोकमा विशेष पुस्तक प्रदर्शनी

साझा प्रकाशनको केन्द्रीय कार्यालय ललितपुरस्थित पुल्चोकमा विशेष पुस्तक प्रदर्शनी चलिरहेको छ। प्रदर्शनीमा साझा प्रकाशन, नेपाली भाषा प्रकाशिनी समितिलगायत विभिन्न साहित्यकारहरुको कृति राखिएको छ।

साझा प्रकाशनबाट प्रकाशित ‘परमानन्दगीता’, ‘अणिमा’, ‘मनको बह, ‘मनको बिम्बबाट’, ‘आसन ग्रहण’, ‘खोजी’, ‘मिसन यात्रा’, ‘धर्मदर्शन’, ‘जीवनदर्शन’, नक्साको जून’, ‘कुमुदाग्नि’, ‘नेपाली उपन्यासमा आञ्चलिकताः सिद्धान्त, परम्परा र प्रवृत्ति’, ‘परेवा र बाज’, ‘म गाउँ फर्कन्छु’लगायत कृति प्रदर्शनीका छन्।

नेपाली भाषा प्रकाशिनी समितिबाट प्रकाशित ५ सय पुस्तकका साथै टेकबहादुर खत्रीको ‘पञ्चायत आज’, प्रा. ऋषभदेव शास्त्रीको ‘व्याकरणको दन्त्यकथा’, प्रा. नीलमणि ढुंगानाको ‘व्युत्पत्तिमूलक संस्कृत–नेपाली शब्दकोश’ लगायत ४.२५ रुपैयाँ मूल्यदेखि २८ सय रुपैयाँसम्मका थुप्रै पुस्तक प्रदर्शनीमा राखिएको छ। असोज ७ गतेदेखि सुरु भएको प्रदर्शनी २२ गतेसम्म चल्नेछ।

भृकुटीमण्डपमा जुत्ता चप्पल मेला

भृकुटीमण्डपस्थित प्रदर्शनीमार्गमा दसैँको अवसरमा जुत्ता चप्पल मेला चलिरहेको छ। असोज २ गते सुरु भएको मेला आगामी कात्तिक ४ गतेसम्म चल्नेछ। मेलामा शिखर सुज, शु–ल्याण्ड, पिजी सुज, वन वल्र्ड, फुट स्टेप, रन सुज, ब्याम्बु र हिमानी कलेक्सनलगायतका ब्राण्डहरु छन्।

हलमा थरीथरी फिल्म

उपत्यकाका विभिन्न हलमा नेपाली, हिन्दी र अंग्रेजी फिल्म प्रदर्शनरत छन्। नेपालीमा ‘वानर सेना’, ‘नांगो गाउँ’, बलिउड फिल्म ‘मिसन रानीगञ्ज’, ‘फुक्रे ३’, ‘चन्द्रमुखी २’ र ‘जवान’ र हलिउड फिल्म ‘प पेट्रोलः द माइडी मुभिज’ र ‘स एक्स’ प्रदर्शन भइरहेको छ।

वानर सेना

फिल्म ‘वानर सेना’ असोज १९ गतेदेखि प्रदर्शन भइरहेको छ। पौराणिक कथामा आधारित फिल्म अर्पण गिरी (अरमान जंग)ले डेब्यू निर्देशन गरेका छन्।

निर्देशक गिरीसहित फिल्ममा किशोर खतिवडा, सुरवीर पण्डित, आरजु प्रसाईं, अर्जुन गुरुङ, कामेश्वर चौरासिया, किशन बाबु बस्नेत, राजन निरौला, सुनिता श्रेष्ठ, ज्ञानेन्द्र थापा, विशाल बराल, अमित पौडेललगायत कलाकारको अभिनय छ।

युवराज गिरीले लगानी गरेको फिल्ममा निर्देशक गिरीकै कथा, पटकथा, संवाद र गीत छ। फिल्ममा विनोद सापकोटाको छायांकन, शंकर महर्जन र आरके श्रीको द्वन्द्व निर्देशन, बन्दे प्रसादको सम्पादन र नारायण रिजालको कोरियोग्राफीमा बनेको छ।

आज उपत्यकामा आइएनआइ सिनेमाअन्तर्गत लोत्से मल र एनबी सेन्टर, वान सिनेमाजअन्तर्गत आइप्लेक्स मल र कालीमाटी ट्रेड सेन्टर, बिएसआर मुभिज, सिडिसी सिनेमाज, सिके सिनेमाज, कीर्तिपुर सिनेप्लेक्स, सिटीम्याक्स सिनेमाज, डिएम सिनेमा, गोपीकृष्ण मुभिज, अष्टनारायण पिक्र्चस, विश्वज्योति सिनेमा, आरके सिनेमाज, कलंकी सिनेमाज र रञ्जना सिनेप्लेक्समा फिल्मको सो छ।

नाङ्गो गाउँ

भदौ २९ गतेदेखि फिल्म ‘नाङ्गो गाउँ’ प्रदर्शन जारी छ। फिल्म राजनीति विषयवस्तुमा आधारित छ। फिल्मका कलाकार दयाहाङ राई र शिशिर वाङ्देलको चुनावी प्रतिस्पर्धा फिल्मको कथा बनेको छ। फिल्ममा अन्य कलाकार मिरुना मगर, कार्म शाक्य, साम्राज्ञी राज्यलक्ष्मी शाह, बुद्धि तामाङ, रविन्द्र झा, विशाल पहाडी, अंकित खड्का, राज थापा, कमलमणि नेपाल, पुष्कर गुरुङ, शारदा गिरीलगायत छन्। दिपेन्द्र लामाले पटकथा लेखन र निर्देशन गरेको फिल्म आलोक शुक्लाको छायांकन, बनिश शाहको सम्पादन र जय श्रेष्ठको निर्माणमा बनेको छ।

आज उपत्यकामा क्यूएफएक्स सिनेमाअन्तर्गत सिभिल मल र भाटभटेनी भक्तपुरमा फिल्मको सो छ। आईएनआई सिनेमाअन्तर्गत लोत्से मल र एनबी सेन्टर, एफक्यूब सिनेमाज, बिएसआर मुभिज, सिके सिनेमाज, रञ्जना सिनेप्लेक्स, विश्वज्योति सिनेप्लेक्समा फिल्म ‘नाङ्गो गाउँ’ चलिरहेको छ।

मिसन रानीगञ्ज

बलिउड फिल्म ‘मिसन रानीगञ्ज’ नेपालमा असोज १९ गतेदेखि प्रदर्शन भइरहेको छ। फिल्ममा कोइला खानी उद्धार अभियानको कथा प्रस्तुत गरिएको छ। टीनु सुरेश देसाईले निर्देशन गरेको फिल्मका निर्माता दीपशिखा देशमुख हुन्।

फिल्ममा कलाकार अक्षय कुमार, परिणित चोपडा, कुमुद मिश्रा, पवन मल्होत्रा, रवी किशन, वरुण बडोला, दिव्यन्दु भट्टाचार्य, राजेश शर्मा, वीरेन्द्र सक्सेना, शिशिर शर्मा, अनन्त महादेवन, जमील खान, सुधीर पाण्डे, बचन पचेरा, मुकेश भट्टलगायतको अभिनय छ।

आज क्यूएफएक्स सिनेमाअन्तर्गत सिभिल मल, भाटभटेनी भक्तपुर, दरबार सिनेक्याक्स, लबिम मल र छाया सेन्टरमा फिल्मको शो छ।

आईएनआई सिनेमाअन्तर्गत लोत्से मल र एनबी सेन्टर, वान सिनेमाजअन्तर्गत आइप्लेक्स मल र कालीमाटी ट्रेड सेन्टर, एफक्यूब सिनेमाज, बिएसआर मुभिज, सीडीसी सिनेमाज, सिके सिनेमाज, रञ्जना सिनेप्लेक्स, कीर्तिपुर सिनेप्लेक्स, विश्वज्योति सिनेप्लेक्समा बलिउड फिल्म ‘मिसन रानीगञ्ज’ चलिरहेको छ।

चन्द्रमुखी २

बलिउड फिल्म ‘चन्द्रमुखी २’ असोज ११ गतेदेखि नेपाली हलहरुमा प्रदर्शन भइरहेको छ। हरर, कमेडी र ड्रामा जनरामा बनेको फिल्म फिल्म पि वासुले निर्देशन गरेका छन्। फिल्ममा कंगना रनावत, वडिवेलु, सत्यराजलगायतको अभिनय छ।

आज उपत्यकामा क्यूएफएक्स सिनेमाअन्तर्गत सिभिल मल, भाटभटेनी भक्तपुर, दरबार सिनेम्याक्स, लबिम मल र छाया सेन्टरमा फिल्मको सो छ।

वान सिनेमाजअन्तर्गत आइप्लेक्स मल र कालीमाटी ट्रेड सेन्टर, आईएनआई सिनेमाअन्तर्गत लोत्से मल र एनबी सेन्टर, एफक्यूब सिनेमाज, बिएसआर मुभिज, सीडीसी सिनेमाज, सिके सिनेमाज, रञ्जना सिनेप्लेक्स, लगायत हलमा बलिउड फिल्म ‘चन्द्रमुखी २’ चलिरहेको छ।

फुक्रे ३

बलिउड फिल्म ‘फुक्रे ३’ असोज १२ गतेदेखि नेपाली हलहरूमा प्रदर्शन भइरहेको छ। फिल्म मृगदीप सिंह लाम्बाले निर्देशन गरेका छन्। कमेडी र ड्रामा जनरामा बनेको फिल्ममा अलि फजल, पंकज त्रिपाठी, फरहान अख्तरलगायत कलाकारको अभिनय छ।

आज उपत्यकामा क्यूएफएक्स सिनेमाअन्तर्गत सिभिल मल, भाटभटेनी भक्तपुर, दरबार सिनेम्याक्स, लबिम मल र छाया सेन्टरमा फिल्मको शो छ।

वान सिनेमाजअन्तर्गत आइप्लेक्स मल र कालीमाटी ट्रेड सेन्टर, सीडीसी सिनेमाज, सिके सिनेमाज, रञ्जना सिनेप्लेक्स, क्यूज सिनेमाज, विश्वज्योति सिनेप्लेक्समा फिल्म ‘फुक्रे ३’ चलिरहेको छ।

जवान

बलिउड फिल्म ‘जवान’ भदौ २२ गतेदेखि नेपालीहरूमा प्रदर्शन भइरहेको छ। एट्लीको निर्देशनमा बनेको फिल्ममा बलिउड सुपरस्टार शाहरुख खान, नयनतारा, विजय सेतुपथी, दीपिका पादुकोणलगायत कलाकारको अभिनय छ। एक्सन र थ्रिलर जनरामा बनेको फिल्म जिके विष्णुको छायांकन, रूबेनको सम्पादनमा बनेको छ। फिल्ममा गौरी खानले लगानी गरेका छन्।

आज उपत्यकाको क्यूएफएक्स सिनेमाअन्तर्गत सिभिल मल, भाटभटेनी भक्तपुर, दरबार सिनेम्याक्स, लबिम मल र छाया सेन्टरमा फिल्मको सो छ।

वान सिनेमाजअन्तर्गत आइप्लेक्स मल र कालीमाटी ट्रेड सेन्टर, आईएनआई सिनेमाअन्तर्गत लोत्से मल र एनबी सेन्टर, एफक्यूब सिनेमाज, बिएसआर मुभिज, सीडीसी सिनेमाज, सिके सिनेमाज, रञ्जना सिनेप्लेक्स, कीर्तिपुर सिनेप्लेक्स, क्यूज सिनेमाज बलिउड फिल्म ‘जवान’ चलिरहेका हल हुन्।

प पेट्रोलः द माइडी मुभिज

असोज १९ गतेदेखि हलिउड फिल्म ‘प पेट्रोलः द माइडी मुभिज’ नेपालमा प्रदर्शन भइरहेको छ। एडभेन्चर र फ्यामिली जनरामा बनेको फिल्म क्यालन ब्रनकरले निर्देशन गरेका हुन्। फिल्ममा टायलर पेरी, तारा पी हेन्सन, ड्याक्सं सेपर्ड, जेक टि अस्ट्रिनलगायत कलाकारको अभिनय छ।

आज क्यूएफएक्स सिनेमाअन्तर्गत सिभिल मल, भाटभटेनी भक्तपुर, दरबार सिनेक्याक्स, लबिम मल र छाया सेन्टरमा फिल्मको शो छ।

आईएनआई सिनेमाअन्तर्गत लोत्से मल र एनबी सेन्टर, वान सिनेमाजअन्तर्गत आइप्लेक्स मल र कालीमाटी ट्रेड सेन्टर, एफक्यूब सिनेमाज, बीएसआर मुभिज, सीडीसी सिनेमाज, क्यूज सिनेमाज, सिके सिनेमाज, रञ्जना सिनेप्लेक्स, विश्वज्योति सिनेप्लेक्समा हलिउड फिल्म ‘प पेट्रोलः द माइडी मुभिज’ चलिरहेको छ।

स एक्स

हलिउड फिल्म ‘स एक्स’ नेपालमा प्रदर्शन भइरहेको छ। असोज १२ गतेदेखि प्रदर्शन भएको फिल्म हरर र थ्रिलर जनरामा बनेको छ।

आज उपत्यकामा क्यूएफएक्स सिनेमाअन्तर्गत सिभिल मल र लबिम मल, वान सिनेमाजअन्तर्गत आइप्लेक्स मल र कालीमाटी ट्रेड सेन्टर, सिके सिनेमाज, रञ्जना सिनेप्लेक्स, हलिउड फिल्म ‘स एक्स’ चलिरहेको छ।