हिमाल प्रेस 
काठमाडौँ- अर्घाखाँची मालारानीको गोखुंगामा चट्याङ लागेर एक जनाको मृत्यु भएको छ। चार जना गम्भीर घाइते भएका छन् ।
मालारानी गाउँपालिका–९ गोखुंगा सेपानेमा सोमबार दिउँसो करिब ३ बजे चट्याङ लाग्दा स्थानीय २० वर्षका मिलन खनालको मृत्यु भएको हो।
उपचारका लागि अर्घाखाँची अस्पताल सन्धिखर्कमा ल्याइएको र उपचारको क्रममा खनालको मृत्यु भएको जिल्ला प्रहरी कार्यालय अर्घाखाँचीका प्रमुख प्रहरी नायब उपरीक्षक मुकुन्द रिजालले जानकारी दिए।
चट्याङ लागेर गम्भीर घाइते भएका दामोदर खनाल, जेमबहादुर पुन, चन्द्रबहादर पुन र लिलबहादुर पुनलाई थप उपचारका लागि लुम्बिनी अञ्चल अस्पताल बुटवल पठाएको स्वास्थ्यकर्मी अशोक चौहानले बताए।
प्रकाशित: १९ भदौ २०८० ६:४६
प्रतिक्रिया
