हिमाल प्रेस 
काठमाडौँ- आज देशभर आंशिकदेखि सामान्य बदली रहनेछ।
मौसम पूर्वानुमान महाशाखाका अनुसार आज कोशी, मधेश, बागमती र गण्डकी प्रदेशका थोरै स्थानमा हल्कादेखि मध्यम वर्षाको सम्भावना छ। बाँकी भूभागका एक वा दुई स्थानमा हल्का वर्षाको सम्भावना रहेको महाशाखाले जनाएको छ।
आज राति पनि देशभर आंशिकदेखि सामान्य बदली रहनेछ। कोशी, मधेश र गण्डकी प्रदेशको थोरै स्थानमा हल्कादेखि मध्यम वर्षाको सम्भावना रहेको महाशाखाले जनाएको छ। देशका बाँकी भूभागको एक/दुई स्थानमा हल्का वर्षाको सम्भावना छ।
हाल मनसुनको न्यून चापीय रेखा सरदर स्थानको उत्तरतिर अवस्थित छ । साथै बंगालको खाडीको उत्तर(पूर्वी भागमा न्यून चापीय प्रणाली विकसित भइरहेको छ ।
प्रकाशित: १५ भदौ २०८० ६:१८
प्रतिक्रिया
