हिमाल प्रेस 
काठमाडौँ- पूर्व-पश्चिम राजमार्गअन्तर्गत दाङ र बाँकेको सिमानामा पर्ने शिव खोलाको पुलबाट ट्रक खसेको छ।
रासायनिक मल बोकेर रुपन्देहीको भैरहवाबाट बाँकेको नेपालगन्जतर्फ जाँदै गरेको लु १ ख ८६०९ नम्बरको ट्रक आज (बुधबार) बिहान ४ः३० बजे दुर्घटना भएको हो।
दुर्घटनामा चालक बसन्त चौधरी र सहचालक प्रदीपकुमार रनिया घाइते भएका प्रहरीले जनाएको छ। चालक ट्रकमा च्यापिएको अवस्थामा उद्धार गरिएको थियो।
ट्रक पुलको रेलिङ भाँच्दै खोलामा खसेको छ।
प्रकाशित: ३ साउन २०८० १०:१२
प्रतिक्रिया
