हिमाल प्रेस 
काठमाडौँ- राष्ट्रिय प्रजातन्त्र पार्टी(राप्रपा) निकट नेपाल सनातन धर्म संस्कृति संगठनले आज (सोमबार) मैतीदेवी पशुपतिनाथ धार्मिक पदयात्रा गर्दैछ।
अघिल्लो वर्षदेखि संगठनले साउनको पहिलो दिन धार्मिक पदयात्रा गर्ने गरेको छ।
राप्रपा अध्यक्ष राजेन्द्र लिङ्देनको नेतृत्वमा राप्रपाका नेताहरू, धार्मिक क्षेत्रका अगुवाहरू, सामाजिक जीवनका विशिष्ट व्यक्तिहरू, समान विचार भएका व्यक्ति, समूह, संस्थाहरू समेतको सहभागितामा मैतीदेवीदेखि पशुपतिनाथसम्म धार्मिक पदयात्रामा रहने राप्रपा प्रवक्ता मोहन श्रेष्ठले जानकारी दिए।
श्रेष्ठका अनुसार आइतबार (आज) अपराह्न १२ः३० बजे मैतीदेवी मन्दिरमा भेला भइ विभिन्न धार्मिक गतिविधि गर्दै पशुपतिनाथ मन्दिरसम्म पदयात्रा गर्ने योजना छ।
धार्मिक जागरण अभियानले हिन्दुराष्ट्रका पक्षमा जनमत सिर्जना गर्ने अभियान अन्तर्गत यो कार्य हुन लागेको उनले जानकारी दिए।
