हिमाल प्रेस 
सांकेतिक तस्बिर।
बैतडी– बैतडीमा नाबालिक बलात्कार आरोपमा एकजना पक्राउ परेका छन्। जिल्लाको पुर्चौडी नगरपालिका वडा नम्बर–५ कुवाकोटका २० वर्षीय एक युवकलाई बलात्कार आरोपमा पक्राउ गरिएको हो।
युवकले पुर्चौडीकै नाबालिक किशोरीलाई जबर्जस्ती करणी गरेको जाहेरी परेपछि पक्राउ गरिएको जिल्ला प्रहरी कार्यालय बैतडीले जनाएको छ।
बिहीबार पक्राउ गरिएको र अदालतबाट म्याद थप गरेर अनुसन्धान भैरहेको प्रहरी प्रवक्ता प्रहरी निरीक्षक लोक राज जोशीले जानकारी दिए। पक्राउ परेका युवकलाई इलाका प्रहरी कार्यालय पाटनमा राखेर अनुसन्धान भइरहेको प्रहरी निरीक्षक जोशीले बताए।
प्रकाशित: २२ असार २०८० १९:२५
प्रतिक्रिया
