हिमाल प्रेस 
प्रतीकात्मक तस्बिर।
हुम्ला- सोमबार बिहान परेको अविरल वर्षापछि आएको लेदोसहितको बाढीले यहाँका तीन घरमा क्षति पुगेको छ। नाम्खा गाउँपालिका–३ खगालगाउँका तीन घरमा बाढीले क्षति पुर्याएको स्थानीय यज्ञबहादुर शाहीले जानकारी दिए।
बिहान परेको भीषण वर्षापछि आएको बाढीले पेमा छिरिङ लामा, लुन्डुप रिञ्जिन लामा र छोईकी लामाको घरमा क्षति पुगेको हो। लेदोसहितको भल घरभित्र पसेपछि सामान, अन्नपात, भाँडाकुँडा, लत्ताकपडालगायत सामग्रीमा क्षति पुगेको उनको भनाइ छ।
लुन्डुप रिन्जिन लामाको घरमा एकातर्फको पर्खाल भत्किएर घरभित्र लेदो पसेको हो। बाढीले खेतीयोग्य जमिन र बालीमासमेत क्षति पु¥याएको प्रहरी नायब उपरीक्षक भीमलाल भट्टराईले जानकारी दिए। हाल प्रहरी घटनास्थलतर्फ गएको र प्रहरी पुगेपछि मात्रै क्षतिको विवरण आउने उनको भनाइ छ। रासस
प्रकाशित: १८ असार २०८० १७:५६
प्रतिक्रिया
