हिमाल प्रेस 
काठमाडौँ- नेकपा एमालेका सचिव एवं सांसद योगेश भट्टराईले समाजवादी मोर्चा वृद्धहरूको क्लब भएको बताएका छन्। मंगलबार संसद् भवन परिसरमा सञ्चारकर्मीहरूसँग कुरा गर्दै उनले समाजवादी मोर्चा प्रौढहरूको क्लब भएको बताएका हुन्।
उनले समाजवादको धारणामा एकरूपता हुन नसकेकाहरूको मोर्चा धेरै समय नटिक्ने पनि बताए। उनले मोर्चामा संविधान च्यात्नेसम्म रहेको उल्लेख गर्दै संविधानप्रति समान दृष्टिकोण नरहेकाहरूको मोर्चाले उपलब्धि दिन नसक्ने दाबी गरे।
समाजवादी मोर्चा बनाएका दलहरू अस्तित्वको संकटमा रहेको उनको भनाइ थियो।
प्रकाशित: ५ असार २०८० २०:३३
प्रतिक्रिया
