सफा हिमाल अभियानमा सहभागी एक जनाको मृत्यु

काठमाडौँ- सफा हिमाल अभियान २०२३ मा सहभागी एक जनाको मृत्यु भएको छ। ओखलढुंगा घर भएका आङकाजी शेर्पाको मृत्यु भएको नेपाली सेनाले जानकारी दिएको छ।

उनले विगत ३ वर्षदेखि सफा हिमाल अभियानमा महत्त्वपूर्ण योगदान पुर्‍याएको नेपाली सेनाको भनाइ छ। सेनाका अनुसार शेर्पाले सगरमाथाको क्याम्प–२ मा क्याम्प म्यानेजर तथा कुकको काम गर्दै आएका थिए।

आरोहण तथा सफाइ अभियानमा प्रयोग गरिएका सामान फिर्ता गर्ने तयारी गर्ने क्रममा उनी बेहोस भएका थिए।