सफा हिमाल अभियन्ता शेर्पासहित तीन जनाको मृत्यु

काठमाडौँ– सफा हिमाल अभियन्ता आङकाजी शेर्पासहित ३ आरोहीको मृत्यु भएको छ। सफा हिमाल अभियान- २०२३ का सरदारसमेत रहेको शेर्पाका सोमबार निधन भएको हो। उनले ३ वर्षदेखि सफा हिमाल अभियानको अगुवाई गरेका थिए।

ओखलढुंगा निवासी शेर्पा सगरमाथाको बेस क्याम्प-२ मा क्याम्प म्यानेजरको भूमिकामा रहँदै गर्दा अचेत भएका थिए। अभियानका लागि प्रयोग गरिएका सामानहरू फिर्ता गर्ने तयारी गर्दै गर्दा अचेत अवस्थामा पुगेका शेर्पाको सोमबार निधन भएको नेपाली सेनाले जानकारी दिएको छ।

उनको पार्थीव शरीरलाई जेठ ८ गते नेपाली सेनाको हेलिकोप्टरद्वारा लुक्लाबाट काठमाडौँ ल्याई पोष्टमार्टम गरी परिवारजनलाई बुझाइएको सेनाले जनाएको छ। उनीसहित निधन भएका थप २ शेर्पाको पार्थीव शरीर पनि परिवारजनलाई बुझाइएको छ।