हिमाल प्रेस 
काठमाडौँ– परराष्ट्रमन्त्री नारायणप्रकाश साउद भोलि (शुक्रबार) बंगलादेश जाने भएका छन्। छैटौँ ‘इन्डियन ओसियन कन्फ्रेन्स’मा भाग लिन साउद बंगलादेश जान लागेका हुन्।
भविष्यका लागि शान्ति, समृद्धि र सहभागिता नारा दिइएको सम्मेलन बंगलादेशको राजधानी ढाकामा शुक्रबार र शनिबार दुई दिन हुनेछ। शनिबार परराष्ट्रमन्त्री साउदले सम्मेलनलाई सम्बोधन गर्नेछन्।
भ्रमणका क्रममा साउदले बंगलादेशका शीर्ष राजनीतिक नेतृत्व र अन्य देशका समकक्षीसँग भेट गर्ने परराष्ट्र मन्त्रालयले जनाएको छ। साउद आगामी आइतबार स्वदेश फर्किने कार्यक्रम छ। यो सम्मेलन पहिलोपटक सन् २०१६ मा सिंगापुरमा भएको थियो।
प्रकाशित: २८ वैशाख २०८० १७:४८
प्रतिक्रिया
