हिमाल प्रेस 
इलाम- इलाम सदरमुकामस्थित ठूलो टुँडिखेलमा शुक्रबार भएको भागदौडमा कम्तीमा १५ जना घाइते भएका छन्। नयाँ वर्षका दिन गायक प्रमोद खरेलले सांस्कृतिक प्रस्तुति दिइरहेका बेला भागदौड भएको थियो।
घाइतेमध्ये गम्भीर अवस्थामा रहेका तीन जनालाई उपचारार्थ झापा लगिएको छ। अन्य घाइतेको इलाम अस्पतालमा उपचार भइरहेको छ।
बाहिरपट्टिको बार भत्किएर भागदौड भएको इलाम प्रहरीले जनाएको छ। दर्शकको खचाखच भएका कारण स्थिति असामान्य हुन गएको हो।
प्रकाशित: १ वैशाख २०८० २२:४२
प्रतिक्रिया
