हिमाल प्रेस 
काठमाडौँ- सामुदायिक विद्यालय व्यवस्थापन समिति महासंघ नेपालको अध्यक्षमा गुणराज मोक्तान निर्वाचित भएका छन्। मोक्तानको अध्यक्षतामा ८१ सदस्यीय कार्यसमिति र्निविरोध निर्वाचित भएको हो।
समितिमा वरिष्ठ उपाध्यक्ष खड्गराज सेजुवाल, उपाध्यक्षहरू देवराज सुवेदी, बलराम पोखरेल, सोमबहादुर सापकोटा, दामोदर बास्तोला, नलबहादुर रानामगर, देवीप्रसाद न्यौपाने, ध्रुवराज उपाध्याय, पवित्रा घिमिरे छन्। त्यस्तै महासचिवद्वय देवी खड्का, दुर्गानन्द ठाकुर र सचिवहरू काशीनाथ दंगाल, वीरेन्द्रराज विष्ट, मञ्जु नेपाल, मीनबहादुर विक, तेजबहादुर गुरुङ, श्रीकृष्ण थापा, श्यामसुन्दर महतो, घनश्याम चौधरी, मोहम्मद समिम र रामबहादुर टमाटा छन्।
कोषाध्यक्ष सरस्वती रायमाझी र सहकोषाध्यक्ष ज्ञानेन्द्र अधिकारी निर्विरोध निर्वाचित भएका छन्। काठमाडौँमा भएको साधारणसभाअन्तर्गतको निर्वाचन कार्यक्रमअनुसार उम्मेदवारको संख्या निर्वाचन गरिने पदको संख्या बराबर भएकाले निर्वाचन मण्डलले नयाँ कार्यसमिति निर्विरोध निर्वाचित गरेको हो।
