हिमाल प्रेस 
काठमाडौँ- उपराष्ट्रपति रामसहाय यादव जीतपुर सिमरा गोल्ड कपको समापन कार्यक्रममा सहभागी हुन बारा जाने भएका छन्।
नव जनजागृति युवा क्लबद्वारा आयोजित जीतपुर सिमरा गोल्ड कपको १३ औं संस्करण चैत्र ६ गते देखि १८ गतेसम्म निर्माणाधीन सिमरा रंगशालामा सञ्चालन भइरहेको छ।
उपराष्ट्रपति यादव गोल्ड कप समापन समारोहमा सहभागी हुन बारा जान लागेको आयोजक संस्थाले जनाएको छ। बारा उपराष्ट्रपतिको गृहजिल्ला हो।
गएको प्रतिनिधिसभा निर्वाचनमा बारा २ बाट चुनाव जितेका थिए।
यो जीतपुर सिमरा गोल्ड कप मधेश प्रदेशमा आयोजना हुने विभिन्न खेलकुद प्रतियोगिताहरू मध्ये महत्वपूर्ण प्रतियोगिता हो।
विगतका संस्करणहरूको उद्घाटन तथा समापन समारोह पनि राष्ट्रका प्रतिष्ठित व्यक्तित्वहरूको प्रमुख आतिथ्यतामा सम्पन्न भएको आयोजक क्लबले जनाएको छ।
प्रकाशित: १८ चैत २०७९ १२:२५
प्रतिक्रिया
