नयाँ वैकल्पिक शक्ति निर्माणमा सहकार्य गर्न बाबुरामको आह्वान

काठमाडौँ- पूर्वप्रधानमन्त्री डा. बाबुराम भट्टराईले नयाँ वैकल्पिक शक्ति निर्माणमा सहकार्य गर्न आह्वान गरेका छन्।

उपनिर्वाचनको मतपरिणाम आएसँगै भट्टराईले सामाजिक सञ्जालमार्फत परम्परागत राजनीतिक दल छाडेर वैकल्पिक शक्ति निर्माणमा लाग्नुपर्ने संकेत गरेका हुन्।

‘एक दशकदेखि देशमा नयॉ शक्ति/वैकल्पिक शक्तिको पैरवीकर्ताको नाताले पछिल्लो चरणमा रास्वपा,जनमत,नागरिक उन्मुक्ति लगायतका नयॉ पार्टीहरूको उदय सकारात्मक ठान्दछु।’

उनले भने, ‘सबैले एकअर्काका अनुभवबाट सिकौं। देशको अर्थ/राजनीति र भूराजनीतिको विशिष्ठता अनुकूल नयॉ वैकल्पिक शक्ति निर्माणमा सहकार्य गरौं?’

भट्टराईले कुनै समय वैकल्पिक शक्ति निर्माणका लागि भन्दै माओवादी परित्याग गरे। नयाँ शक्ति नामक दल स्थापना गरे। तर वैकल्पिक शक्ति भनिएको नयाँ दललाई अघि बढाउन उनले नसकेपछि अन्य दलसँग पार्टी एकता गर्न पुगे।

उनी अहिले माओवादी केन्द्रसँगै मिसिने तयारीमा छन्। तर परम्परागत दल नभई नयाँ र वैकिल्पक शक्ति निर्माण लाग्नुपर्ने उनको जोड छ।

एक दशकदेखि देशमा नयाॅ शक्ति/वैकल्पिक शक्तिको पैरवीकर्ताको नाताले पछिल्लो चरणमा रास्वपा,जनमत,नागरिक उन्मुक्ति लगायतका नयाॅ पार्टीहरूको उदय सकारात्मक ठान्दछु!सबैले एकअर्काका अनुभवबाट सिकौं।देशको अर्थ-राजनीति र भू-राजनीतिको विशिष्ठता अनुकुल नयाॅवैकल्पिक शक्ति निर्माणमा सहकार्य गरौं!

— Baburam Bhattarai (@brb1954) April 26, 2023